ادمن جروب تجارب فيرنا

يوجد 0 شخص معجب
20 يولية 2019 05:31 ص
ذكريات... مراحل تطور حقن الوقود.. كلنا زمان كان عندنا عربيات كاربيراتير.. وكان سهل وبسيط وفكرة سهله .. وكان شغال بدور المنافولد حاليا والرشاشات ايضا .. كان بيقوم بخلط البنزين مع الهواء الساخن لانتاج رزاز البنزين مع الهواء ومع دوران الموتور وعمليه شفط الهواء لدخولها على الصبابات اللى عليها دور الشفط لاكتمال دورة الحريق داخل الموتور.. وطبعا الموضوع كان فيه نسب فقد وقله استجابه لابتعاد مصدر الخلط عن السلندر. وعدم مواكبه التسارع مع كفائه الكاربيراتير.. ومن هنا تم تطوير الكاربيراتير ليصبح برشاش واحد ويعمل بالكهرباء.. وكان هناك كنترول بسيط بيتحكم فى البخه الخاصه بالبنزين وكان النظام ده اسمه هاف انجكشن .. ولم يكتفى العلماء من الابتكار والاختراع حتى توصوا الى يصنعوا بديل للكاربيراتير داخل وش السلندر تقريبا .. الرشاش هو بديل للكاربيراتير واصبح ٤ رشاشات او ٦ او حتى ٨ حسب عدد السلندرات .. ويعمل البخاخ على نبضات كهربائيه تسمح بفتح الرشاش لدخول البنزين اللى وش السلندر بفعل ضغط طرمبه البنزين . ويعتمد مقدار البخه واللى بتتغير حسب ظروف التشغيل والعزم والقوه المطلوبه بزمن فتح الرشاش كلما زاد زمن فتح الرشاش زادت كميه البنزين وزادت نسبه الخلط بالبنزين وازداد الانفجار قوة. وطبعا المتحكم فى الرشاشات كنترول العربيه اللى عنده من المعلومات والحساسات اللى بتخليه ياخد القرار المناسب من مقدار بخه البنزين. العلماء طموحم لم ينتهى ولن ينتهى ... فقد تم وليس بالجديد علينا وقادم بقوة فى عالم السيارات . نظام جديد يعرف باسم GDI Gasoline direct injections وده ببساطه خلى الرشاش مش على وش السلندر وقبل الصبابات لاء دا خلاه جوة السلندر نفسه وده خلى الاستجابه اسرع ووفر فى الاستهلاك على جميع السيارات المستخدمة للتكنولوجيا دى. من عيوبها .. تراكم الاوساخ على صبابات دخول الهواء بسبب عدم مرور البنزين عليها.. العلم نور ..

لايف بوست Live Post

يوجد 0 شخص معجب -- اعلان ممول

ادمن جروب تجارب فيرنا

يوجد 0 شخص معجب
20 يولية 2019 05:32 ص
معلومه ع الماشى كده ... الجو حر وكله بيحتاج لتكييف العربيه .. طيب شويه نصايح كده ع السريع. *حاول بقدر الامكان تركن فى الظل .. طب مفيش ظل يبقى حضرتك تفتح زجاج السيارة وتتحرك علشان تفرغ الهواء الساخن ... وعلميا ... الزجاج بيسمح بدخول الاشعه فوق البنفسجية ولا يسمح بخروجها مرة اخرى. وده تفسير ارتفاع درجه الحرارة بشكل ملحوظ .. * عند تشغيل التكييف و العربيه مصهده وسخنه هات المروحه على السرعه ٤ ثم ابتدى قلل السرعه تدريجا الى السرعه ٢ او حتى ١ حسب اكتفائك بالتبريد المطلوب... طبعا فى ناس هتعارضنى وتقولى غلط كده.... الرد بتاعى والاقتناع بتاعك ... * اول تشغيلك التكييف انت محتاج ترطب العربيه فى اسرع وقت وكمان ترمى هواء لطيف فى اخر العربيه وتطول كمان توقيت فصل الكباس علشان التلاجه تسقع .. يبقى لازم تبتدى بالسرعه الرابعه .. مش مقتنع ؟؟!! طيب لو حد ركب عربيه تكييف تاتش متطور شويه ؟؟ حد شاف تشغيل auto ؟؟ لو شغلت على الاوبشن ده هتلاقى المراوح بتشتغل على اسرع حاجه حسب حراره الجو وتفضل تقل لغايه ما توصل على اقل حاجه او اكتر قليلا.. مش مقتنع او مجربتش ؟؟ هات تكييف البيت ... شغله اوتو ... هتلاقى نفس الكلام . اسرع مروحه ثم تقل تدريجيا .. فى النهايه ... الجو حر والحديد بيسخن والتكييف شغال و العربيه شيلانا ومكيفانا ... بلاش قرص وحرق اليومين دول .. زق مع عربيتك اليوم وتوصلوا بالسلامه. ????????????

ادمن جروب تجارب فيرنا

يوجد 0 شخص معجب
20 يولية 2019 05:33 ص
القطعه دى اصليه بحوالى ٢٥٠ج حافظ على حرارة عربيتك المثاليه زى ما خرجت من المصنع. وغيرها مع دخول الصيف .. هتفرق كتير وهتوفر بنزين والمراوح . انها ترموستات الكوعه.... شماعه الكسل...

ادمن جروب تجارب فيرنا

يوجد 0 شخص معجب
20 يولية 2019 05:35 ص
رغم الانتقادات المتوقعه من البوست ???? حابب اتكلم شويه عن بعض النقاط الخلافية: ١. هتركب غاز .. ركب النظام المتوافق مع متطلبات التشغيل . يعنى ايه؟! يعنى ضغوط متغيرة مع كل دوسه يعنى تكييف يعنى سحب يعنى تناغم مع كنترول البنزين وحساسته. ٢. هتعمل فصل لطرمبه البنزين .. يبقى كتاوت علشان يتحمل امبير الطرمبه ويكون اصلى او استيراد بلاش مفتاح علشان حمله مش نفس حمل ابلاتين الكتاوت. ٣. عاوز تشيل الترموستات شيلها ... بس مترجعش تقول المراوح بتشتغل كتير او العربيه بتاكل بنزين او غيارات الاوتو ملخبطه ليه؟؟ ما انت اللى مش عاوز تهتم بدورة التبريد وشيلتها بدل ما تحافظ على الدورة وتغيرها مع كل كاتينه او حتى كل ١٠٠الف كم ٤.عاوز تعارضنى عارض بس المهم كلامك يكون موضوعى بعيدا عن الكلام المرسل او الحالات الفرديه ☺☺☺

ادمن جروب تجارب فيرنا

يوجد 0 شخص معجب
19 يولية 2019 11:52 م

ادمن جروب تجارب فيرنا

يوجد 0 شخص معجب
01 مايو 2018 12:44 م
الاخوه الاعضاء فضلا وليس امرآ . رجاء التكرم بعرض مشكلتك او طلبك للمساعده على العام دون الخاص للادمن وذلك للاستفاده للجميع من الاعضاء وكذلك حيث ان الادمنز ممكن يكون مش بروفيشينال فى سؤالك وقد يكون الادمنز الاخر اجدر بالاجابه على سؤالك. متحرمش باقى الاعضاء من الاستفاده من تجربتك او استفسارك. شكرا لتفهمكم وفى الخدمه دائما.

لايف بوست Live Post

يوجد 0 شخص معجب -- اعلان ممول

ادمن جروب تجارب فيرنا

يوجد 0 شخص معجب
23 مارس 2018 10:08 ص
بسم الله الرحمن الرحيم الفرق بين فلتر زيت هيونداي الأصلى و المضروب : الفلتر المضروب هو رقم 1 الفلتر الاصلى هو رقم 2 الصورة رقم 1 مقطع داخلى للفلتر يبين انا الخامات المستخدمة رديئة و المواصفات غير متطابقة الصورة رقم 2 كيف تفرق بين الأصلى و المضروب من مجرد العبوة حرف a ال Y فى الاصلى كابيتل فى المضروب y حرف b ألوان الطباعة فى الخطوط الحمراء يوجد فى الفلتر المضروب خط أبيض صغير و ده عيب فصل ألوان حرف c الباركود فى - بين الأرقام فى المضروب لا توجد فى الأصلى غير أن الخط رفيع و الاصلى bold الصورة رقم 3 شكل الفلتر من الداخل حرف a المضروب بيستبدل شعار هيونداى و كيا ب كلمة for حرف b الألوان فى المضروب فضى بيلمع الاصلى اللون مطفى و الكتابة معكوسة فى المضروب الصورة رقم 4 الغلاف السولفان العلى الفلتر حرف a كلمة genuine parts فى المضروب bold فى الاصلى small الصورة رقم 5 و 6 حرف a شعار هيونداى المدموغ بيه الفلتر فى الاصلى حفر فى المضروب بارز هيونداى شوب موزع معتمد لغبور أوتو قطع غيار هيونداى

ادمن جروب تجارب فيرنا

يوجد 0 شخص معجب
17 مارس 2018 08:26 م
نصيحه لكل من سيارته اتوماتيك

ادمن جروب تجارب فيرنا

يوجد 0 شخص معجب
17 مارس 2018 08:19 م
نصيحه لكل من سيارته اتوماتيك

ادمن جروب تجارب فيرنا

يوجد 0 شخص معجب
17 مارس 2018 02:12 م
كلام مهم قاله حبيبي اللي وحشني جدا .. الأدمن الراحل مهندس/ إيهاب (راضى لك الحمد) بخصوص الموضوع الخلافي الشهير (ثيرموستات الكوعه).. أعيد نشره لعله يكون في ميزان حسناته علما ينتفع به.. فقال رحمة الله عليه: (بصوا ياجماعة بحكم شغلتي كمهندس الكترونيات .. انا عندي اجهزة قياس خاصة بشغلي .. من ضمنها جهاز مالتي ميتر .. وفيه امكانية قياس درجة الحرارة... فبخصوص (ثيرموستات الكوعة) انا لقيت ان افضل توقيت لتغيره علي 50000ك .. لاني لما كنت بغيره كنت بعمل تجربة بسيطة كده .. كمقارنة بين الثيرموستات الجديد عشان اتأكد من كفاءته والقديم اللي اتغير اشوف حالته وصلت لفين؟؟... كنت بجيب حلة كبيرة وفيها مياه وبحطها علي البوتاجاز وبجيب الثيرموستات الجديد والقديم وبحطهم في المياه وبسخن .. وطبعا ببقي حاطط حساس الحرارة الخاص بالجهاز بتاعي... فبلاحظ الاتي: ان الثيرموستات القديم بيبتدي يفتح عند درجة حرارة من 90الي 92 درجة مئوية .. لكن الجديد بيبتدي يفتح من 85الي 86 وبيكون فتح بالكامل عند 95-96 .. لكن القديم فتحته كاملة بتبقي عند 98-99!!.. فمن الواضح ان الثيرموستات القديم كفاءته انخفضت وكمان هيبقي في خطورة علي السيارة فانا بقول وانا شايف ان ده حل وسط بين الناس اللي معترضة علي وجود ثيرموستات الكوعة وبين الناس اللي شايفة لأ انها لازم تكون موجودة .. فالحل هو انك لو هتابع عربيتك في دورة التبريد .. وتواظب علي انك تغير ثيرموستات الكوعة بصفة دورية مع كل 50000 ك يبقي (خلي) الثيرموستات .. لو انت خايف تنساها وملكش في الحوارات دي يبقي (تشيلها) احسن وتكبر دماغك وبالاخص التاكسي... لكن انا عن نفسي مغيرها مرتين والعربية عاملة 123000ك موديل 2009 والحمدلله مفيش مشاكل واستهلاك البنزين زي الفل... وعلي فكرة مياه التبريد نوعها مهم جدا انا بحط لعربيتي نوع مياه امريكاني من بنزينة توتال بس كان الجركن ال4 لتر ب 105ج ده قبل التعويم.. وعاوز الفت نظركم لشئ .. الناس الي بتحط ميه حنفيه وبعدين بينضف ويحط ميه خضرا نوع نضيف .. يفضل يغير طلمبة الميه وده ليه؟؟.. عشان الميه الخضرا النضيفة عليها مواد بتاكل الصدأ فلو طلمبة الميه عليها صدا في الريش بتاعتها الميه هتاكلها .. وبالتالي كفاءة التبريد هتقل وانت مش هتبقي عارف المشكلة جاية منين فغير طلمبة الميه وريح دماغك).. اللهم ارض من كان راضيا بحمدك أضعاف ما يرضى

ادمن جروب تجارب فيرنا

يوجد 0 شخص معجب
17 مارس 2018 08:38 ص
معاني ارقام ورموز الكاوتش

لايف بوست Live Post

يوجد 0 شخص معجب -- اعلان ممول

ادمن جروب تجارب فيرنا

يوجد 0 شخص معجب
06 مارس 2018 02:50 م
تجربة: اللي غاوي شطرنج من حضراتكم يجمع معايا ثواني
المزيد
Copyright resarved @ ISDEgypt.com