Matbakh Sooka - مطبخ سوكة

يوجد 0 شخص معجب
06 أغسطس 2019 04:56 م
دي فكرة ظريفة تشجّع الأولاد ياكلو snacks صحية عالبحر. نجيب جرادل بحر صغيرة نغسلها كويس ونحط فيها عنب.. وشرايح جزر وخيار.. وممكن مثلثات بطيخ. وتنفع لتجمعات الأطفال. فكره حلوة.. مش كده؟! :) #سوكة_والعيال نهاركم سعيد :)

لايف بوست Live Post

يوجد 0 شخص معجب -- اعلان ممول

Matbakh Sooka - مطبخ سوكة

يوجد 0 شخص معجب
05 أغسطس 2019 01:51 م
في الصيف الخضار بيكون متنوع وكتير.. ومع الحر بنعمل أكلات خفيفة وسريعة. فرصة اننا نعمل وصفات خضار مختلفة كل يوم. دي طريقة خضار مشكّل مشوي.. تنفع تبقى غدا سريع في وسط اليوم. هانجيب بروكلي وقرنبيط وجزر وبطاطس نقطعهم قطع كبيرة او شرايح عريضة.. نقلبهم مع زيت زتون وملح وفلفل ورشة بابريكا وكمون وزعتر و روزماري.. ومعاهم توم مفروم حسب الرغبة وبصلة كبيرة متقطعة اتنين. نحطهم في صينية على ورق زبدة وندخلهم الفرن لحد ما تتشوي. في الوقت ده ممكن نعمل طحينة خضرا.. نجيب نص كباية طحينة عليها لمون ومعلقة خل وملح وفص توم مفروم وكمون ونقلب مع شوية ميّه دافيه ولما تتماسك.. نقلب معاها نص كباية بقدونس وكزبره خضرا مفرومين وهايبقى لونها اخضر. :) الطبق ده ممكن ناكله لوحده.. وجبة نباتية. او ممكن ناكل معاه بيض او فراخ مشوية لو عايزين. #سوكة_نباتية نهاركم سعيد :)

Matbakh Sooka - مطبخ سوكة

يوجد 0 شخص معجب
04 أغسطس 2019 05:15 م
#أخبار_سوكة النهاردة للناس اللي عندها مطاعم او بيبتدو مشروع او مصانع الأكل او الفنادق. أو محلات الملابس والهدايا. ده مصنع So Plast متخصص في التغليف بكل أنواعه. العلب الورق.. العلب البلاستيك.. الأكياس الورقية.. علب حفظ الcup cake والpizza. وأطباق حفظ الوجبات السخنة بكل أنواعها. مش بس الأكل.. أكياس محلات الملابس وعلب الهدايا والأكسسوارات بأنواعها. وعليها الlogo والbrand name بصّو عالصور وادخلو عالصفحة شوفو الأنواع والأشكال المختلفة.. وإختارو المناسب لمشروعكم. #أخبار_سوكة #sooka_news نهاركم سعيد :)

Matbakh Sooka - مطبخ سوكة

يوجد 0 شخص معجب
02 أغسطس 2019 03:17 م
أي حد بيعمل مشروع في البيت.. مشغولات يدوية او مشروع أكل او اكسسوارات او ديكورات بيت.. اَي حاجة.. أي حاجة. اكتبو لينك الصفحة بتاعة الشغل بتاعكم او إكتبو عنّه في الكومنتس هنا. زي كل يوم جمعة. بس كده.. يالّا إنجزو وماتكسّلوش! ???? باي ???? #سوق_سوكة #sooq_sooka

Matbakh Sooka - مطبخ سوكة

يوجد 0 شخص معجب
01 أغسطس 2019 01:49 م
دي فكرة ممكن نعملها لو عندنا تجمع للأولاد وأصحابهم في المصيف او في عيدميلاد مثلاً. نعمل ساندوتشات على شكل شبشب البحر.. آه بجد والله ???? نجيب توست ندهنه جبنة سبريد او مستردة لو عايزين.. ونحط طبقة جبنة شيدر وطبقة روست بيف (لا يُفضّل اللحوم المصنّعة بذات في الحر) ونقفله وبعدين نقصّه بمقص المطبخ شكل الشبشب. وعالوش نحط شريحتين فلفل رومي او بصل اخضر عشان نعمل شكل الشبشب من فوق.. وخلاااص. الولاد غالباً هايخلصوه في خمس دقايق ???? جربوها وابعتولنا صورها. (ملحوظة: بواقي تقطيع التوست هناكله احنا الكبار بأه زي الشُّطار .. اومال الأمهات لازمتهم إيه؟!! ????) (ملحوظة تانية: عشان تعرفو تقصّو شكل الشبشب بالظبط ممكن نجيب شبشب من بتوع الأولاد ونحطه على ورقة بيضا ونرسم حواليه بالقلم الرصاص ونقص الورقة وكده يبقى عندنا الفورمة اللي نقص عليها) يالّا ورّوني الشباشب ???? نهاركم سعيد :)

Matbakh Sooka - مطبخ سوكة

يوجد 0 شخص معجب
31 يولية 2019 03:13 م
لو قاعدين عالبحر في الساحل.. ونفسكم تقعدو عالبحر في هاواي.. روحو جيبو واحدة افوكادو اضربوها مع معلقة عسل وشوية لبن جوزهند وورقتين نعناع وبعدين اضربو مكعبات المانجه مع شوية تلج.. وحطوهم في كباية طبقتين فوق بعض. خدو شفطة وعيشو اللحظة.. ???? لو انتو في بلد تانية.. إيه العصير اللي بتشربوه وتحسو إنكم في مصر؟ واللي هايقول افكار اكتر.. هاننزل اسمه بكره عالصفحة ???? نهاركم سعيد :) #هاواي_دي_ولا_مش_هاواي ؟!

لايف بوست Live Post

يوجد 0 شخص معجب -- اعلان ممول

Matbakh Sooka - مطبخ سوكة

يوجد 0 شخص معجب
30 يولية 2019 06:27 م
ياسلام على توستايه محمّصة عليها شوية cream cheese وكافيار أحمر او أسود!! ???? امتى آخر مرة أكلتو فيها كافيار ؟! ???? نهاركم سعيد :)

Matbakh Sooka - مطبخ سوكة

يوجد 0 شخص معجب
28 يولية 2019 06:01 م
للناس اللي دايماً بيسألو يتعلمو طبخ فين و إزاي او يبتدو مشروع أكل ازاي او عايزين يتعلمو افكار جديدة وسريعة للعزومات.. كورسات الأسبوع ده في Monappetit فيه.. كورس تعليم البرجر بأنواعه زي اللي بناكله في المحلات ممكن تعملوه في البيت دلوقت.. مع الشيف سارة خانا ومحمد البيطار مشروم برجر.. كلاسيك.. بيف بيكون بالcaramelized onion .. تشيز برجر.. Texas cheese fries.. وال onion rings. وكورس وليمة العيد الكبير مع الشيف محمد صلاح @mohamed Salah Eldin طبعاً.. هانعرف طريقة طبخ مندي الجدي.. الكبدة البقري.. وطاجن العكاوي بالبصل.. والممبار.. فتّة الموزة الضاني.. كفتة الطرب والريش والفخدة الضاني.. كوارع.. كوستليته.. وحاجات تانية كتير. كورس الباستا بأنواعها مع الصوصات المختلفة للشيفات الصغيرين teens كورس المطبخ اللبناني.. هانعرف طريقة المعجنات اللبنانية.. والمزات.. وفتة الزبادي.. وفراخ بدبس الرمان.. والكبة.. والسفايح.. والمناقيش.. والتبولة.. والفتوش.. والحمص.. وحاجات تانية كتير. وكورس الكرواسون والدانش بأنواعه.. السادة.. وبالجبنة.. والزعتر و باللوز.. ودانش القرفة.. والبريتزل.. وعين الجمل.. كمبوت الفواكه.. والكراميل.. وحاجات تانية كتير. انا جعت بعد الكورسات دي كلها ???? ايه اكتر كورس تحبو تحضروه.. او ممكن يفيدكم في مشروع الأكل بتاعكم؟ #أخبار_سوكة #sooka_news

Matbakh Sooka - مطبخ سوكة

يوجد 0 شخص معجب
26 يولية 2019 01:45 م
أي حد بيعمل مشروع في البيت.. مشغولات يدوية او مشروع أكل او اكسسوارات او ديكورات بيت.. اَي حاجة.. أي حاجة. اكتبو لينك الصفحة بتاعة الشغل بتاعكم او إكتبو عنّه في الكومنتس هنا. زي كل يوم جمعة. بس كده.. يالّا إنجزو وماتكسّلوش! ???? باي ???? #سوق_سوكة #sooq_sooka

Matbakh Sooka - مطبخ سوكة

يوجد 0 شخص معجب
25 يولية 2019 02:54 م
أنا بقالي شهر باكل "تين" كل يوم.. مع الجبنة.. او مع العنب.. او مع كريز.. او لوحده مع عسل ابيض وشوفان.. جربته في كل حاجة!! مليان فيتامينات وسكر طبيعي.. ومضادات أكسدة وألياف مفيدة للجهاز الهضمي. وياريت لو خليتو ولادكم ياكلوه علطول. انتو بتحبه تاكلوه لوحده ولّا بتخترعو فيه طرق مختلفة؟! ???? نهاركم سعيد :)

Matbakh Sooka - مطبخ سوكة

يوجد 0 شخص معجب
23 يولية 2019 05:39 م
الواحد يقعد يدوّر على افكار أكل ونقف في المطبخ طول اليوم نعمل أكلات خضار صحية للأولاد.. وفي الآخر يروحو ياكلو فراخ مقلية وكاتشب!! إحنا لينا الجنّه والله!! عملتوا للولاد أكل ايه النهاردة ؟ نهاركم سعيد :)

لايف بوست Live Post

يوجد 0 شخص معجب -- اعلان ممول

Matbakh Sooka - مطبخ سوكة

يوجد 0 شخص معجب
22 يولية 2019 02:46 م
الوييك إند وقت العزومات وتجمعات العيلة.. انا باكل براحتي وبلخبط في الأكل.. لكن على اول الأسبوع لازم الواحد يحترم نفسه ويظبط تاني. ده فطاري النهاردة.. سلطة بيض. عبارة عن.. بيض مسلوق.. جرجير.. طماطم.. وعليهم دُقة (بيتي) كون ومسترد. ممكن تاكلو الكمية اللي تحبوها لأنها بدون نشويات. اكلتوا إيه في الوييك إند؟!.. وفطرتوا إيه النهاردة؟! نهاركم سعيد :)
المزيد
Copyright resarved @ ISDEgypt.com